мармеладты печенье

Осы апта "маған жасалыну керек подаркілердің тізімін" реттеумен босамай жүрмін ;) Жылына бір-ақ күн не қаласам да, не істесем де, не айтсам да бәріне де ОҢ баға берілетін МЕНІҢ күнім жақындап қалды :) Қаншаға толатынымды айтсам - сенбейсіндер. өйткені ел түгіл өзім де сенбеймін. Эх расында 50-60 жыл дегенің түк емес екен.. ыхм, тақырыптан ауытқымайын - кімде-кім Эльвираға не сыйласам екен деп қиналып отырған болса, әлі уақыт барда маған хабарлассын; бүгін барлық туыс-жора-жолдастарымның мейлдеріне жібергенімдей сізге де жіберейін "маған жасалыну керек подаркілердің тізімін" ;) бізде ұят жоқ. жылына бір-ақ рет ;)


Негізінен печенье рецептімен бөлісуге келген екем ғой. Бұл печенье бір-ақ нәрсесімен ерекше - айва мармеладымен! Басқа да мармелад жарай береді-ау, бірақ печеньеге айванікіндеі сәл қышқылдау дәмді басқалар бере алмас. рас айтам.

- 500 гр ұн
- 250 гр жұмсартылған маргарин
- 1 стакан қант пудрасы
- 1 ш.қ. разрыхлитель
- 1 үлкен жұмыртқа
- 1 ас қасық крахмал

Жұмыртқаның сарысынан аздап бөліп қойыңыз. Шұңғыл ыдысқа ұн қойып, ортасын ашыңыз да ішіне май мен жұмыртқа, қант пудрасы, разрыхлитель және крахмал қойып жәймен араластырыңыз. Алдыменен ұнмен араластырмай тек ортадағы заттарды, кейін біртіндеп шетінен ғана ұн қосып араластырыңыз. Жұмсақ қамыр илеңіз. Жаңғақ үлкендігінде домалақтар жасап, арнайы қағаз үстіне тізіңіз. Домалақтардың ортасын оқтаумен тесіңіз. Енді ортасына шәй қасық ұшымен мармелад қойып шығыңыз. Печеньелердің шеттеріне жұмыртқа сарысын жағып шығыңыз. 180С духовкада шеттері қызара бастағанға дейін пісіріңіз. Ас болсын!

жұлдызбен сырласу

Аспаздыққа деген қызығушылығымды біліп үйдегілер қонаққа барып қызықты бірнәрсе жеп келсе міндетті түрде оның рецептін сұрап келеді немесе бір газет журналдардың аспаздық айдары болатын болса оны әдемілеп мен үшін сақтап қояды ;) "Жұлдызбен сырласу" журналының 29/11/2009 №5 саны маған солай жеткен болатын. Журналдың бірінші бетінде Айдар Байжанов (Жігіттер квартеттегі) салаттар мәзірімен таныстырып тұр екен.


Айдар ұсынған рецепттер бір қарағанымнан-ақ ӨТЕ таныс көрінді. Фотосуретті ұнатушы біреу ретінде Ақбантиктің дастарханында көрген тағамдарды бірден таныдым. Көздерім алдаған болар деп Ақбантиктікіне кіріп салаттарға қайта қарадым. Сезгенімдей дәл өздері екен! Өкініштісі ақбантиктен алынғаны ешбір жерде жазылмаған. Әрине, Айдар Ақбантиктің алыс-жақын туысқаны шығар (суреттер автор рұқсатымен алынған болар) / Айдар ол рецепттердің журнал редакциясы оның атынан жариялағанын білмейтін да шығар (ол да мүмкін), қайткен күнде де авторлық құқық сақталынбағаны жаман болды.

құрбандық қой

Қандай күшті - ертең Құрбан Айт! Биыл айтты ерекше шыдамсыздықпен күтіп жүрмін! Нағыз мерекелік көңіл-күй мен мерекелік дайындықпен ;) Айт мерекесін ылайықты түрде өткізуді нәсіп қылсын инш. Бүгін Айт күні шалынатын құрбандыққа қосымша ретінде төмендегідей тәтті "қойды" пісіруді ұсынамын. Айттарыңыз құтты болсын, аспаздар!

"Бұл не екенін тауып көр" дейін десем, үйдегілердің жорамалдарынан кейін (біреуі қол деді, біреуі есек деді, біреуі сиыр), шыны керек, сұрауға да қорқып тұрмын ;) Сіздікі қойға көбірек ұқсайтынына сенемін. (Жұмысқа асығып қойдың астындағы қағазды алып тастау үшін оның суығанын күте алмадым. Сурет көңілімнен шықпаса да - бары осы)



- 1 стакан жылы сүт
- 1 ш.қ. тұз
- 4 ас қасық қант
- 100 гр ерітілген сары май
- 1 жұмыртқа + 1 жұмыртқа сарысы
- ұн
- майдалап туралған өрік-мейіз-жаңғақ

1 ас қасық ұн + 1 ш.қ. қант + жарты стакан жылы су + жарты пакет құрғақ ашытқыны араластырыңыз. Ашытқы көтерілгенше үстін жауып қойыңыз. Көтерілген ашытқыға 1 стакан жылы сүт құйыңыз. 1 жұмыртқа мен қант+ тұз қосыңыз. аз аздын ұн қосып, қолға жабыспайтын қамыр илеңіз. Шамамен 3-4 стакандай ұн қажет болады. Керек болса сұйық май қосып илеңіз. Қамырдың бетін сәл майлап қойып, үстін пленкамен жауып, кем дегенде 3-4 сағатқа қойып қойыңыз. Қамыр екі есеге көтерілуі тиіс.

Енді ең қызығы - қамырды жаңғақ үлкендігінде 18-20 домалаққа бөліңіз. Әрқайсысын қолмен жұқартып, ішіне туралған өрік-мейізден қойыңыз. Домалақтарға әртүрлі начинкадан қойсаңыз қызықтырақ болады; оларды үзіп жеген кезде келесінің ішінде не болады екен дейсің. Артылған қамырды екіге бөліңіз. Біреуін сопақша етіп жасаңыз - ол қойдың басы болады (начинкасын салуды ұмытпаңыз), ал екіншісін ұзынша етіп жұқалаңыз, қамырды сулап жіберіңіз де ішіне өрік-мейізден қойып, тығыздап ораңыз. Төртке бөліңіз - бұл қойдың аяқтары ;). Енді барлық бөлшектерді жинаңыз. Алдыменен суды жағып шығыңыз. 10 минуттан кейін жұмыртқа сарысын жағып, 220С үсті қызарғанға дейін пісіріңіз.